Në javën e gjashtë te BLLOGU, ‘Ditari i dëgjimit’ mirëpret listën për dëgjim ‘Këngë nga Ishujt Ryukyu’, përgatitur nga artistja interpretuese Aine E Nakamura. Lista përfshinë muzikantë të ndryshëm nga ishujt jugorë të Japonisë, këngë rituale dhe tinguj të instrumentit me tre tela, Sanshin, me origjinë nga Okinawa. Një përshkrim më i thelluar i listës për dëgjim nga Aine E. Nakamura më poshtë:
“Përshëndetje Lumbardhi, emri im është Aine dhe unë jam këngëtare, kompozitore dhe performuese. Kam nderin që t’ju prezantoj këngë nga Okinawa, Yayama dhe Amami, tri rajone nga Ishujt Ruyuku, jugu i Japonisë dhe veriu i Filipineve. Muzika në rajonet në fjalë mund të kategorizohet gjerësisht në dy grupe; në këngët ritualistike që mund të dëgjohen vetëm në rituale – ato janë specifike për kohën dhe hapësirën, dhe i përkasin kulturës orale të grave, dhe kategorinë e dytë, këngët Sanshin që luhen me Sanshin, një instrument me tre tela dhe përfaqësojnë lidhjet kulturore të aktivitete të paqes nëpër botë ”.