‘Ditari i dëgjimit’ në javën e pestë, te BLLOGU sjellë listën ‘Venezuela në lëvizje’ përgatitur nga muzikantja Ana Carmela, një rrugëtim muzikor 90 minutësh përmes artistëve të ndryshëm të Venezuelës.
Disa nga muzikantët në këtë listë dëgjimi, përfshirë Guillermina Ramirez Cova, Carmella Lilia Vera, Pedro Eustache, Ismael Querales, Ana Carmela dhe Gabriel Chakarji, na rrëfejnë udhën në këtë udhëtim muzikor të kulturës së Venezuelës. Më poshtë ndajmë disa fjalë për publikun e Lumbardhit nga Ana Carmela Ramirez:
“Kjo është një përmbledhje e muzikës nga Venezuela, e bërë nga njerëzit venezuelianë duke nderuar kulturën dhe traditat që i përkasin këtij vendi të vogël, por të pasur në Amerikën e Jugut. Do të përjetoni instrumente të ndryshme si Cuatro e Venezuelës, dhe Bandola Llanera. Do ta shijoni bukurinë e kulturës afro-venezueliane dhe popullin tonë autokton në Amazonë. Ky është një udhëtim i shkurtër, nga e kaluara në të tashmen e Venezuelës dhe pak dritë tingullore mbi atë se si muzikantët evoluojnë dhe sjellin ide të reja në folklorin tonë. ”